🏫 इ ११ वी वेळापत्रकात परत बदल २०२५-२६ | 11th Admission Timetable changed 2025

🏫 इयत्ता ११ वी ऑनलाईन प्रवेश प्रक्रिया वेळापत्रकात परत बदल २०२५-२६| 11th Admission Timetable changed 2025

इयत्ता ११ वी म्हणजेच FYJC (First Year Junior College) प्रवेश प्रक्रिया ही दहावीच्या परीक्षेनंतर सर्वात महत्त्वाची पायरी आहे. महाराष्ट्र राज्यातील सर्व विद्यार्थी व पालकांसाठी ही प्रक्रिया ऑनलाईन पद्धतीने पार पडते. सन २०२५-२६ साठी ही प्रक्रिया २६ मे २०२५ पासून सुरू झाली असून, यावर्षी काही महत्त्वाचे बदल झाले आहेत.

♎ आमच्या व्हाट्सअप ग्रुप मध्ये सहभागी व्हा 

🔔 अकरावी ऑनलाइन प्रवेश प्रक्रिया सुधारित अंतिम दिनांक New Timetable 11th Admission Timetable 2025

विद्यार्थी नोंदणीची सुधारित अंतिम तारीख:

1. ज्या विद्यार्थ्यांनी सदर प्रवेश प्रक्रियेसाठी ऑनलाईन नोंदणी करून प्रवेश अर्जाचा भाग १ लॉक केला आहे तथापि भाग २ अद्याप भरणे बाकी आहे, किंवा लॉक करणे बाकी आहे, अशा विद्यार्थ्यांसाठी दिनांक ६ जून २०२५ रोजी दुपारी १२:१५ ते ७ जून २०२५ दुपारी १२:३० वा या कालावधीत आपल्या अर्जाचा भाग २ भरण्याची सुविधा उपलब्ध करून दिली जाणार आहे. तरी संबंधित विद्यार्थ्यांनी आपला पसंतीक्रम अर्ज भाग २ दिलेल्या वेळेत लॉक करावा. यापूर्वी भाग दोन लॉक केलेल्या विद्यार्थ्यांना आपले पसंती क्रम बदलण्याचे सुविधा यादरम्यान मिळणार नाही.
2. ज्या विद्यार्थ्यांनी दि. ०५ जून २०२५ पर्यंत ऑनलाइन प्रवेशासाठी नोंदणी केलेली नाही किंवा आपला प्रवेश अर्ज भाग १ भरलेला नाही अथवा प्रवेश अर्ज अर्धवट भरला आहे व विहित मुदतीत आपला अर्जाचा भाग १ पूर्ण करू शकले नाहीत, अशा सर्व विद्यार्थ्यांसाठी प्रत्येक फेरीच्या सुरुवातीला नव्याने प्रवेश अर्जाचा भाग १ व भाग २ भरण्याची सुविधा उपलब्ध राहणार आहे. त्यामुळे अशा विद्यार्थ्यांनी काळजी करण्याची आवश्यकता नाही. त्यांनी पुढील फेरीच्या वेळी आपले अर्ज वेळेत भरून लॉक करावेत. प्रत्येक फेरीपूर्वी नवीन विद्यार्थ्यांनाही आपला अर्ज भरण्याची सुविधा मिळणार आहे. यासाठी प्रवेश फेरीच्या वेळापत्रकाचे काटेकोर पालन करण्याची दक्षता घ्यावी.

🔔 इयत्ता अकरावी मेरिट लिस्ट कधी लागणार ?

मित्रांनो दिनांक 7 जून पर्यंत अकरावी ऑनलाइन प्रवेश प्रक्रियेच्या Part 2 भरण्यासाठी मुदतवाढ दिल्यामुळे अकरावी प्रोव्हिजनल मेरिट लिस्ट 11th Provisional Merit list ही दिनांक 07 जून नंतरच लागेल अशी अपेक्षा आहे.

📝 शासन निर्णयाचे ठळक मुद्दे (३१ मे २०२५)

• इन-हाऊस कोटा: खाजगी व्यवस्थापनाच्या कनिष्ठ महाविद्यालयांसाठी १०% जागा राखीव.
• एक युनिट प्रणाली: मुंबई, उपनगर व ठाणे येथे – एकत्र शाळा व कनिष्ठ महाविद्यालयांना एक युनिट मान्यता.
• पसंतीक्रमात बदल: विद्यार्थ्यांना व संस्थांना इन-हाऊस युनिटसंबंधी बदल करण्याची संधी.

🎯 ११ वी साठी कोणते कॉलेज मिळाले आहे ? कसे तपासावे ?

🎯 11th Admission Pre list and Final merit list Download 

🌐 अधिकृत संकेतस्थळ

नोंदणी आणि प्रवेशाची अधिकृत माहिती येथे मिळेल: https://mahafyjcadmissions.in/

👥 एकूण नोंदणीची स्थिती (२ जून २०२५ पर्यंत)

एकूण विद्यार्थी नोंदणी: १०,८५,८५१

विभाग	नोंदणीकृत विद्यार्थी
मुंबई विभाग	२,६५,९००
पुणे विभाग	१,८७,९२५
नाशिक विभाग	१,१२,१०८
कोल्हापूर विभाग	१,०७,०१२
छ. संभाजीनगर विभाग	१,००,०४०
नागपूर विभाग	९५,२१०
अमरावती विभाग	९८,३५९
लातूर विभाग	५८,५८६
इतर	६१,७१२

📢 सूचना

सर्व इच्छुक विद्यार्थी व पालकांनी ७ जून २०२५, दुपारी १२:३० वाजेपर्यंत ऑनलाईन नोंदणी पूर्ण करावी. त्यानंतरचे वेळापत्रक पूर्वीप्रमाणेच राहणार आहे.

📌 FYJC प्रवेश प्रक्रियेत पुढील टप्पे

• Preference Form भरायचा आहे? – लवकरच सुरू होईल.
• Merit List केव्हा लागेल? – विभागनिहाय वेळापत्रकानुसार.
• प्रवेश फेऱ्या: पहिली, दुसरी, विशेष – नियोजित वेळापत्रकाप्रमाणे.

🧾 निष्कर्ष

२०२५-२६ च्या इयत्ता ११ वी ऑनलाईन प्रवेश प्रक्रियेमध्ये शासनाने इन-हाऊस कोट्यामध्ये सुधारणा करून विद्यार्थी व पालकांसाठी अधिक पारदर्शकता निर्माण केली आहे. नोंदणीची अंतिम संधी ७ जून २०२५ पर्यंत आहे. वेळ वाया न घालवता आपली नोंदणी पूर्ण करा!