Type Here to Get Search Results !

श्री कृष्ण जन्माष्टमी निबंध मराठी माहिती | shri krishna janmashtami Essay marathi Mahiti

श्री कृष्ण जन्माष्टमी निबंध मराठी माहिती | shri krishna janmashtami Essay marathi Mahiti | Shri Krishna Janmashtami marathi mahiti pdf | श्री कृष्ण जन्माष्टमी मराठी माहिती 

         

श्री कृष्ण जन्माष्टमी निबंध मराठी माहिती

श्री कृष्ण जन्माष्टमी २०२२: नमस्कार मित्रांनो आणि मैत्रिणींनो दर वर्षी प्रमाणे याही वर्षी आपण श्री कृष्ण जन्माष्टमी साजरी करणार आहोत.या वर्षी श्री कृष्ण जन्माष्टमी १८ तारखेला साजरी करणार आहोत.तर त्या विषयी आपण पूर्ण माहिती, श्री कृष्ण जन्माष्टमी निबंध, गवळणी आणि जन्माष्टमी चा पाळणा खालील प्रमाणे बघणार आहोत.

➡️हरतालिका तृतीया मराठी माहिती


➡️रक्षाबंधन मराठी निबंध माहिती 2022

अनुक्रनीका(toc)


श्री कृष्ण जन्माष्टमी निबंध मराठी माहिती | shri krishna janmashtami Essay marathi Mahiti 

"गोकुळामध्ये होता ज्याचा वास,
सुदामा ज्याचा मित्र होता खास,
गोपिकांसोबत ज्याने रसला रास,
त्याचा जन्म दिवस आहे आज"

      श्री कृष्ण जन्माष्टमी हा हिंदू समूहाद्वारे साजरा केला जाणारा उत्सव आहे.या दिवशी सर्वांच्या लाडक्या श्रीकृष्णाची आणि कृष्णाची प्रियशी राधा यांच्या प्रेमाचा आनंद दर्शवणारा दिवस म्हणून मोठ्या प्रमाणात उत्साहात सर्व भारतभर साजरा केला जातो. कृष्ण जन्माष्टमीला कृष्णशतामी, श्रीकृष्ण जयंती, श्रीजयंती इ. अनेक नावाने ओळखले जाते. भगवान श्रीकृष्णाचा वाढदिवस म्हणून जन्माष्टमी साजरी केली जाते. हा उत्सव केवळ भारतातच नाही तर प्रदेशात राहणारे भारतीय सुद्धा मोठ्या विश्वासाने आणि भक्तिभावाने साजरे करतात.

➡️९ ऑगस्ट क्रांती दिन भाषण निबंध मराठी माहिती

➡️जागतिक आदिवासी दिन भाषन निबंध मराठी माहिती 

    श्रीकृष्णाचा जन्म १२ वाजता त्याचा मामा कंसाच्या तुरुंगात झाला. त्याच्या वडिलांचे नाव वासुदेव आणि आईचे नाव देवकी आहे. कृष्ण जन्माष्टमीच्या दिवशी लोक उपवास ठेवतात आणि मध्यरात्री बारा वाजता कृष्णाच्या जन्मानंतर श्रीकृष्णाची आरती केली जाते या नंतर लोक त्यांच्या नातेवाईका आणि शेजाऱ्यांसोबत उपवास सोडतात.

       ज्या दिवशी श्रीकृष्णाचा जन्म झाला आहे, त्या दिवशी मंदिरे खास सजावट केलेली केलेली असतात. जन्माच्या दिवशी संपूर्ण दिवस उपवास ठेवतात. या दिवशी मंदिरात भजन-कीर्तने गायली जातात आणि श्रीकृष्णाला पाळण्यात बसवून पाळणा म्हणतात. या दिवशी रामलिला देखील आयोजित केली जाते.

     श्रीकृष्ण जन्माष्टमी दिवशी प्रत्येक घरासमोर रांगोळ्या काढल्या जातात.मंदिरात एक पाळणा बांधला जातो. त्या पाळण्यात कृष्णाला ठेवतात व इतर खेळणी कृष्णाभोवती ठेवली जातात.उत्तर प्रदेशातील मथुरा- वृंदावन येथे कृष्ण वाढलेल्या ठिकाणी हा उत्सव मोठ्या प्रमाणात साजरा केला जातो. या प्रदेशातील कृष्ण मंदिरे सर्व सुंदर दिवे आणि फुलांच्या सजावटीने उधळली जातात. मथुरा वृंदावन मधील सर्व कृष्ण मंदिरे पाहण्यासाठी देशातील तसेच जगाच्या कानाकोपऱ्यातून भक्त आणि पर्यटक तिथे खूप गर्दी करतात. या दिवशी गुजरातमधील द्वारका येथे एक वेगळा उत्सव साजरा केला जातो. गुजरातमधील कच्छ जिल्ह्यातील शेतकरी बैलगाड्या सजवतात आणि बैलगाड्यांवर कृष्णाची मूर्ती ठेवून नाचत नाचत मिरवणुका काढल्या जातात. कृष्ण जन्माष्टमी हा महाभारतात कंसाचा मारेकरी आणि अर्जुनाचा सल्लागार भगवान विष्णूच्या आठव्या पुनर्जन्मच्या जन्माचा उत्सव आहे. कृष्ण जन्माष्टमी विशेषतः काळया पंधरवड्या च्या म्हणजेच कृष्ण पक्षाच्या आठव्या दिवशी श्रावणातील हिंदू लूनी-सौर दिनदर्शिकेत साजरी केली जाते.

        कृष्ण जन्माष्टमी साजरी करण्याचा भारतातील प्रत्येक राज्याचा स्वतःचा वेगळा मार्ग आहे. महाराष्ट्रामध्ये हा गोकुळाष्टमी म्हणून प्रसिद्ध आहे. देवळांची सजावट आणि इतर नेहमीच्या उत्सवाव्यतिरिक्त दहीहंडीचा विधी महाराष्ट्रात विशेषतः मुंबईत सर्वत्र प्रसिद्ध आहे. मथुरा येथील श्रीकृष्ण जन्मस्थळाच्या सभोवताली दोन किलोमीटरच्या परिघावर पसरलेल्या रस्त्यांना सुमारे ५००० एलईडी दिवे प्रकाशित केले जातात. श्रीकृष्ण मंदिर सजवण्यासाठी तीन-चार दिवस आधी सुरुवात केली जाते. या दिवशी मंदिराचे सौंदर्य एकदम खुलून उठते. मंदिरे रंगीत बल्बने सजवली जातात. जन्माष्टमी म्हणजे गोकुळ अष्टमी, कृष्णजन्माचा दिवस कृष्ण जन्माष्टमी हा आनंद, मस्ती, भक्ती, प्रेम आणि करुणा या भावनांचे मिश्रण असलेला उत्सव आहे.

"राधेची भक्ती, बासरीची गोडी,
यशोदा- देवकी मैयामौरी,
श्रीकृष्ण-सुदामाची मैत्री न्यारी,
लोण्याचा स्वाद, सोबतीला गोपिकांचा रास, मिळून साजरा करू श्रीकृष्णजन्माष्टमीचा दिवस आज "

श्रीकृष्ण जन्माष्टमीच्या हार्दिक शुभेच्छा


श्री कृष्ण जन्माष्टमी पाळणा मराठी | Shri Krishna Janmashtami palna in Marathi

पहिल्या दिवशी जन्मले बाळ  
कळस सोन्याचा देते डहाळ 
कृष्ण जन्मला कंसाचा काळ 
जो बाळा जो जो रे जो||१||

दुसऱ्या दिवशी दुसरा रंग
रूप सावळे गोरस रंग
जसा झळकतो आरस्याचा भिंग
जो बाळा जो जो रे जो||२||

तिसऱ्या दिवशी आनंद मोठा 
सिता सावित्री बायांनो उठा 
खारीक खोबरं साखर वाटा 
जो बाळा जो जो रे जो||३||

चवथ्या दिवशी बोलली बाई 
अनुसयेने वाजवली टाळी 
कृष्ण जन्मला यमुना स्थळी
जो बाळा जो जो रे जो||४||

पाचव्या दिवशी सटवाई चा वेढा 
लिंबू नारळ देवीला फोडा
तान्हा बाळाची दृष्ट गं काढा
जो बाळा जो जो रे जो||५||

सहाव्या दिवशी कलीचा मारा 
राधा कृष्णाला घालती वारा 
चला यशोदा आपुल्या घरा 
जो बाळा जो जो रे जो||६||

सातव्या दिवशी सटवीचा महाल 
तेथे सोनेरी मंडप लाल 
यशोदा मांडीवर श्रीकृष्ण डोलं 
जो बाळा जो जो रे जो||७||

आठव्या दिवशी अटकीचा थाट 
भुलल्या गवळणी तिनशेसाठ 
श्री कृष्णाची पाहतात वाट 
जो बाळा जो जो रे जो||८||

नवव्या दिवशी नववीचा खंड 
तान्ह्या बाळा ने घेतला छंद 
वासुदेवाचा सोडवावा बंध 
जो बाळा जो जो रे जो||९||

दहाव्या दिवशी दहावीची रात 
तेहतीस कोटी देव मिळुन येती 
उतरुन टाकती माणिक मोती 
जो बाळा जो जो रे जो||१०||

अकराव्या दिवशी नारद बोले 
देवा तुम्ही हो किती झोपले 
मथुरा नगरीत देवकीचे हाल 
जो बाळा जो जो रे जो||११||

बाराव्या दिवशी बाराचे नारी
पाळणा बांधीला यशोदा घरी 
त्याला लावली रेशमी दोरी 
जो बाळा जो जो रे जो||१२||

तेराव्या दिवशी बोलली बाळी 
श्री कृष्ण जन्मला यमुना स्थळी 
गवळणी संगे लावितो खळी 
जो बाळा जो जो रे जो||१३||

चौदाव्या दिवशी तोफा गर्जती 
शंकर पार्वती नंदीवर येती
बाळाच्या डोळ्यात काजळ घालती 
जो बाळा जो जो रे जो||१४||

पंधराव्या दिवशी नीबत वाजे 
श्रीकृष्णावरती घातला साज 
यशोदा मातेला आनंद आज 
जो बाळा जो जो रे जो||१५||

सोळाव्या दिवशी सोहळा केला 
गुरु महाराज विद्या बोलला
श्री कृष्णाचा पाळणा गायीला 
जो बाळा जो जो रे जो||१६||

श्री कृष्ण जन्माष्टमी भजन मराठी | Shri Krishna Janmashtami Bhajan in Marathi

भजन १

आनंद मावेना मनात रे 
कृष्णाची मुरली कानात रे !!

कोणाला सांगू मुरलीची गोडी 
संसाराचे बंधन तोडी 

चौ-यांशीच्या वनात रे 
कृष्णाची मुरली कानात रे !!

ऐकून मुरली तल्लीन झालो 
करा तयारी सांगत आलो

कोणी ऐकेना जनात रे
कृष्णाची मुरली कानात रे !!

कृष्ण ही गेला मुरली ही गेली 
अज्ञानाची खरी भूल झाली

अभ्यास करा ध्यानात रे
कृष्णाची मुरली कानात रे !!

दुनियाचा दास म्हणे ऐका कोणी 
सद्गुरू सांगे त्या मार्गांनी

परमार्थाच्या रणात रे 
कृष्णाची मुरली कानात रे !!

आनंद मावेना मनात रे 
कृष्णाची मुरली कानात रे .......

भजन २

नको लागू माझ्या नादाला 
कान्हा रे बांधील उखळाला !!

बाहेरचा चोर घरामध्ये शिरला 
दही दूध तूप लोणी खाऊन गेला

कशी सांगू माझ्या सासूला
कान्हा रे बांधील उखळाला !!

यमुनेच्या तीरी आंघोळीला गेली 
साडीचोळी याने चोरून नेली

लाज नाही याच्या जीवाला 
कान्हा रे बांधील उखळाला !!

एका जनार्दनी गवळ्याची नार 
याच्या त्रासाला बाई कंटाळली फार

कशी सांगू माझ्या पतिला 
कान्हा रे बांधील उखळाला !!

नको लागू माझ्या नादाला 
कान्हा रे बांधील उखळाला...





हे पण वाचा⤵️


FAQ
Q.1) श्री कृष्णाच्या जन्म कुठे व किती वाजता झाला ?
Ans.श्रीकृष्णाचा जन्म १२ वाजता त्याचा मामा कंसाच्या तुरुंगात झाला.

Q.2) श्री कृष्णाच्या आई वडिलांचे नाव काय आहे ?
Ans.त्याच्या वडिलांचे नाव वासुदेव आणि आईचे नाव देवकी आहे.

Q.3) श्री कृष्णाचे पालनपोषण कोठे झाले ?
Ans.उत्तर प्रदेशातील मथुरा- वृंदावन येथे कृष्ण वाढलेल्या आहे.

टिप्पणी पोस्ट करा

0 टिप्पण्या
* Please Don't Spam Here. All the Comments are Reviewed by Admin.

Top Post Ad

Below Post Ad